सर परशुरामभाऊ महाविद्यालयात संस्कृत दिन उत्साहात साजरा

दरवर्षी श्रावण पौर्णिमेला संस्कृत प्रेमी संस्कृत दिन हा उत्साहात साजरा करतात. नेहमीप्रमाणे सर परशुरामभाऊ महाविद्यालयात संस्कृत दिन हा आजी आणि माजी विद्यार्थ्यांच्या उपस्थितीत मोठ्या उत्साहात साजरा करण्यात आला. यावेळी कार्यक्रमाच्या सुरुवातीला भद्रसूक्ताचे पठण प्रथमवर्षाच्या वरद नाईक या विद्यार्थ्यांने तर गणेशस्तुतीचे सादरीकरण नंदिनी पुंडे या द्वितीय वर्षाच्या विद्यार्थिनीने केले. यावेळी कार्यक्रमाच्या प्रमुख अतिथी प्रा. डॉ. सरोजा भाटे यानी विद्यार्थ्यांना संस्कृत अध्ययन, हस्तलिखित अध्ययन व संधी याबाबत मार्गदर्शन केले. कार्यक्रमाचे अध्यक्षस्थान सर परशुरामभाऊ महाविद्यालयाचे प्राचार्य प्रा. डॉ. सुनील गायकवाड सर यांनी भूषविले. पूर्वार्ध कार्यक्रमाचे सूत्रसंचालन साज जोशी या विद्यार्थिनीने केले व संस्कृत विभाग प्रमुख प्रा. डॉ. भारती बालटे यांनी प्रारंभी प्रास्ताविक, स्वागत केले व शेवटी आभार मानले.त्याचप्रमाणे गुणवंत विद्यार्थ्यांचा सत्कार प्रातिनिधिक रूपाने मान्यवरांच्या हस्ते करण्यात आला. त्याविषयी निवेदन अध्यापिका मृदुला सबनीस यांनी केले. संस्कृतीविषयी मराठी स्वरचित कविता अनीश जोशी या विद्यार्थ्याने तर एकात्मता मंत्र तन्वी चितळे व अनन्या देशपांडे यांनी सादर केला.

 

 

उत्तरार्धात विद्यार्थ्यांनी कलारंग हा कार्यक्रम सादर केला.यात श्रावणी बेले व सिद्धी वावीकर यांनी नृत्य रूप गणेशवंदना सादर केली ज्याला उर्मी कुलकर्णी हिने साहाय्य केले. मुदाकरात्तमोदकं हे स्तोत्र विद्यार्थ्यांनी सादर केले. तृतीय वर्षांची विद्यार्थिनी गौरी पिटके हिने केलेला जयोऽस्तुते गीताचा संस्कृतअनुवादही सादर केला .

 

प्रीतगौरीगिरीशम् या माजी प्रा.कृष्णशास्त्री अर्जुनवाडकर सरांच्या काव्यातील माजी विभागप्रमुख प्रा. लीला

अर्जुनवाडकर यांनी गायलेले गीत पंडित शताक्षी, स्वराली दातार व नेहा दामले या तृतीय वर्षाच्या विद्यार्थिनींनी माध्यमातून प्रस्तुत केले.

 

अमिता गोडबोले यांच्या शिष्य असलेल्या इन्द्रजा गानू या तृतीय वर्षाच्या विद्यार्थिनीने ऋतुसंहारातील काही निवडक श्लोक सादर केले.यश निरालगी व प्रथमेश जाधव या प्रथमवर्षाच्या विद्यार्थ्यांनी दशरथा घे हे पायसदान या गीताचा सी.भा दातार यांनी केलेला संस्कृत अनुवाद सादर केला.शिवताण्डवही नृत्य रूपाने प्रस्तुत केले.उत्तरार्धातील विविध कार्यक्रमाचे सूत्रसंचालन अंजली कवडे,किन्नरी जोशी,राजश्री जोशी,वेदिका फाटक, मालविका देव या विद्यार्थिनींनी केले वाद्यसंगत ऋजुता वैद्य, गौरी पिटके पवन वाघ, अवधूत कवठेकर यांनी केली. कार्यक्रमाची प्रसिद्धी, निमंत्रण पत्रिका शर्वरी एरंडे व मालविका देव यांनी केली.संयुक्ता कुलकर्णी, श्रावणी साळुंके, अदिती चितळे, दिव्या मौजेकर, अमृता वाघमारे, रुद्राणी जोशी, साक्षी सपकाळ तन्वी धर्माधिकारी तेजश्री खाडिलकर यांनी यात सहभाग घेतला. याप्रसंगी कार्यक्रमाकरिता संस्कृत अभ्यासक डॉ.रंजना दाते,तुषार भट, सायली गोडबोले विद्यार्थ्यांचे पालक हे आवर्जून उपस्थित राहिले कार्यक्रमाच्या निमित्ताने बारावी ते द्वितीय वर्षाकरिता एक

 

प्रश्नमंजूषा स्पर्धा घेण्यात आली ज्यात मिहिका जोशी( बारावी शास्त्र )व मुक्ता गोखले( द्वितीय वर्ष कला) या विजेत्या गटाचा सन्मान कार्यक्रमात करण्यात आला. या स्पर्धेचे आयोजन तृतीय वर्षातील विद्यार्थ्यांनी केले.संस्कृत एम्.ए झालेल्या विभागातील अद्वैत जोशी, वृषाली देशपांडे, प्राजक्ता सप्रे,निहाल खांबेटे, श्रुती सिधये , मृणाल दातार या माजी विद्यार्थ्यांचे कौतुक करण्यात आले. या कार्यक्रमाची प्रसिद्धी विभागातील माजी विद्यार्थिनी प्रतीक्षा शिंदे युवा संवाद प्रतिनिधी यांनी युवा संवाद न्यूजच्या माध्यमातून दिली.